Queremos SaudArte

Certame de Arte Postal

'Saudarte'

2010

Colaboramos coa

e...

Queremos SaudArte

I Convocatoria de Arte Postal
sobre Promoción de Saúde:

SaudArte

Porque a arte é saudable...

Queremos SaudArte

Con este certame búscase:

* Fomentar, arredor da promoción da saúde, unha actividade creativa e positiva, combinando arte, ciencia e sociedade, e establecendo un espazo aberto no que as persoas participantes xoguen un papel fundamental.

* Invitar á xente a reflexionar sobre a promoción da saúde e os hábitos de vida saudables, cada vez máis importantes na sociedade do século XXI.

* Integrar a Universidade nas actividades sociais de vangarda, para facer posible que se traballe sobre un tema non só co seu estudo (aspecto máis científico-técnico e obxectivo) senón tamén coa súa expresión máis íntima (aspecto máis subxectivo), e que este traballo sexa o máis participativo posible.

* Abrir vías de colaboración entre os grupos de investigación da universidade e os seus proxectos, e os grupos sociais, habitualmente máis lonxe dos estamentos científicos e máis preto das persoas dunha poboación determinada.

A Arte Postal é un movemento planetario de intercambio e, sobre todo, de comunicación, a través do correo.

Os seus antecedentes atopámolos no primeiro cuarto do século XX (1928), e a súa meirande contribución á humanidade non é a de deseñar un estilo concreto, nin a produción de obras de arte, senón a creación dunha rede de comunicación e intercambio onde, de xeito aberto, as persoas, artistas ou non, pero sempre interesadas no tema do que se trate, reciben información, dan información e exprésanse libremente. É unha rede viva que reflicte os cambios producidos na sociedade; utilizada en ocasións como instrumento de concienciación, e que permite observar os diferentes camiños que toma a sociedade grazas á súa condición cambiante (unha das características da Arte Postal é a súa adaptabilidade).

Invitamos a todas as persoas que o desexen (de calquera idade e parte do mundo) a participar nesta convocatoria, enviando obras, de xeito individual ou colectivo, a través do Correo Postal ou do Correo Electrónico.

Saúdanos ti tamén mandándonos a túa visión da saúde...

Saúdanos ti tamén mandándonos a túa visión da saúde...

Bases da convocatoria

Están, en diversos idiomas, en: http://mpsp.webs.uvigo.es/saudarte/saudarte.htm

Un resumo (moi resumido) delas:

Técnica: libre.

Medidas: Como máximo DIN A4 (21 x 29,7 cm). Para lenzos 3M, 3P ou 3F (27 cm polo seu lado máis grande), ou ben 4M, 4P ou 4F (33 cm polo seu lado máis grande).