Persoas

Medicina e Arte
en Galicia

Victoria Castro

Nacín en Narón (A Coruña).

Licenciada en Medicina e Cirurxía pola Universidade de Santiago de Compostela.

Médica de Atención Primaria no Centro de Saúde de Neda (A Coruña).

Durante os anos de estudante, demostrei as miñas actitudes plásticas en certames de debuxo e pintura rápida para estudantes, organizados polos Colexios Maiores Universitarios, sendo galardoada nestes nos anos 1975, 1976 e 1977, con obras de técnica mixta, usando carboncillo, sanguina, fume de vela e betún, entre outras.

Colaborei con asociacións humanitarias, sociais, sen ánimo de lucro, coa confección de carteis publicitarios para acontecementos diversos.

Entusiasta da arte clásica, dende moi nova teño unha afección grande pola arte en tódalas súas variedades, facendo incursións na escultura, pintura, cerámica, esmalte, etc…, pero a miña verdadeira expresión artística atópoa na pintura, sobre todo ao óleo, desenvolvendo o 'oficio de pintora' de maneira autodidacta, tratando de aprender continuadamente a base da análise de pintores clásicos e contemporáneos, e de consellos e críticas de pintores de grande renome. A miña obra presenta moita variedade de motivos, cunha temática viva e elocuente, prestando moita importancia á figura humana dinámica no seu hábitat natural e a escenas costumistas, “unha visión compositiva tratada cun enfoque singular”.

Nunca sentín a necesidade de expoñer a miña obra individualmente, ata que en setembro do ano 2001, realicei unha exposición no Auditorio de Lalín (Pontevedra), sendo apoiada por artistas da talla de Severino Carbajo e Pilar Ortega (pintores figurativos e restauradores do patrimonio eclesiástico de Castilla y León) aos que considero os meus padriños e mestres.

EXPOSICIÓNS (resumo):

2001 - ‘Lembranzas’. No Auditorio, Lalín (Pontevedra).

2004 - Exposición. Colectiva. Na Galería Crisolart, Barcelona.

2005 - ‘Escenas’. No Círculo Mercantil, Ferrol (A Coruña).

2006 - ‘Composiciones’. Colectiva. Na Galería Crisolart, Barcelona.

        - Exposición. Colectiva, aporto 10 obras coa Galería de arte Pablo Ruiz de Málaga. En Art Nocturne Knocke, Belgique.

         - ‘Recuerdos’. Colectiva. Na Galería Arte y papel, Dos Hermanas (Sevilla).

2007 - Exposición. Colectiva. Na Galería Crisolart, Barcelona.

         - ‘Costumbres’. No Restaurante O parrulo, Ferrol (A Coruña).

2008-2009 - ‘Médicos Artistas Plásticos de Galicia no Camiño’. Colectiva. Itinerante polo Camiño de Santiago:

Ø      polos concellos galegos do Camiño Francés, provincias de Lugo e A Coruña:
o       Palas de Rei, na Sala de Exposicións do Centro Comarcal, e na Sala de Exposicións do Concello;
o       Monterroso, na Sala de Exposicións do Concello;
o       Sarria, na Casa da Cultura;
o       Pedrafita, no Centro de Artesanía;
o       Samos e Triacastela, no Mosteiro de Samos;
o       Paradela, no Centro Sociocultural;
o       Portomarín, na Casa da Cultura;
o       Melide, no Edificio Multiusos;
o       Arzúa, na Capela da Madanela;
o       O Pino, ca Casa da Cultura;
o       Santiago de Compostela, no Centro Sociocultural Caixa Galicia;

Ø      en Lugo, no Museo Provincial.

2009 - ‘Médicos Artistas Plásticos de Galicia’. Colectiva. Na Sala de Exposicións de Caixanova, O Barco de Valdeorras (Ourense).

        - ‘Medicina e Arte, outro Camiño’. Colectiva. Na Igrexa da Madalena (Local Social da Madalena), Ribadavia (Ourense).

PUBLICACIÓNS:

Guía cultural 2002 de Artistas Galegos. Santiago de Compostela: Xunta de Galicia; 2002.

Guía cultural 2004 de Artistas Galegos. Santiago de Compostela: Xunta de Galicia; 2004.

Artistas para el museo del mañana. Girona: Ediciones Ecuador; 2006.

PREMIOS:

1975 - Certame de debuxo e pintura rápida para estudantes. Colexios Maiores da Universidade de Santiago de Compostela. Santiago de Compostela (A Coruña).

1976 - Certame de debuxo e pintura rápida para estudantes. Colexios Maiores da Universidade de Santiago de Compostela. Santiago de Compostela (A Coruña).

1977 - Certame de debuxo e pintura rápida para estudantes. Colexios Maiores da Universidade de Santiago de Compostela. Santiago de Compostela (A Coruña).

http://www.galegos.info/detalle.php?id=2010&tabla=galegos

http://www.culturagalega.info/autor.php?idautor=382&accion=autor&campo=pintura&muestra=0&galeria=0

Macuto a carón do chan. Óleo s. táboa, 51 x 64 cm, 2008.

A linguaxe das pedras. Óleo s. táboa, 53 x 72 cm, 2008.

© Os dereitos de autoría desta páxina corresponden á persoa referenciada nela.

Volver á páxina índice